रौतहटमा बेवारिसे अवस्थामा फेला परेका सडक मानवको उद्धार, परिवारको खोजी हुँदै

स्थानीय

बिहीबार, कार्तिक १३, २०८३

रौतहटमा बेवारिसे अवस्थामा फेला परेका सडक मानवको उद्धार, परिवारको खोजी हुँदै

रौतहट १२ कार्तिक
रौतहटको चन्द्रपुर नगरपालिका–५ स्थित सडकपेटीमा बेवारिसे अवस्थामा फेला पर्नुभएका अन्दाजी ५५ वर्षीय मुन्ना सिंहलाई उद्धार गरी मानव सेवा आश्रम रौतहट शाखाको संरक्षणमा राखिएको छ । २०८३ कार्तिक १२ गते सडकपेटीमा फेला पर्नुभएका सिंहलाई समाजसेवी तथा इलाका प्रहरी कार्यालय चन्द्रनिगाहपुरको टोलीको समन्वयमा उद्धार गरिएको हो । उद्धारपछि उहाँलाई मानव सेवा आश्रम रौतहट शाखामा ल्याएर संरक्षणमा राखिएको छ। उहाँको परिवार तथा आफन्तजनको पहिचान गरी सम्पर्कमा ल्याउने उद्देश्यले खोजीका लागि अनुरोध गरिएको छ । उहाँलाई चिन्नुहुने, उहाँको घरपरिवार वा आफन्तजनबारे जानकारी भएका महानुभावहरूलाई मानव सेवा आश्रम रौतहट शाखामा सम्पर्क गरिदिन आग्रह गरिएको छ ।